Lollobrigida fiton medaljen e dytë të artë, Italia arrin medaljen e 15-tën

Italia arriti medaljen e 15-të në Lojërat Olimpike Dimërore në Milano-Cortina 2026, falë performancës spektakolare të Francesca Lollobrigida në patinazh shpejtësie.

Pas triumfit në garën e 3000 metrave, Lollobrigida fitoi edhe medaljen e artë në disiplinën e 5000 metrave.

Në garën e gjashtë dhe të fundit, italiania regjistroi kohën 6:46.17, duke lënë pas të gjitha kundërshtaret e saj.

Medalja e argjendtë i shkoi patinatores Conijn nga Holanda, ndërsa bronzin e fitoi Wiklund nga Norvegjia.

Ky sukses i Lollobrigida shton edhe një arritje të madhe në historinë e sportit italian, duke konfirmuar dominimin e saj në patinazh shpejtësie.