Doyle: Vendimi për Thaçin dhe të tjerët pritet brenda tre deri në pesë muaj

Zëdhënësi i i Gjykatës Speciale me seli në Hagë, Michael Doyle, në konferencën për media tha se vendimi final në rastin ndaj Hashim Thaçit, Kadri Veselit dhe të tjerëve, pritet brenda tre deri në pesë muaj.

Doyle tha se sipas rregullores së gjykatës, trupi gjykues ka afat rreth tre muaj, respektivisht 90 ditë, për të shqyrtuar çështjen dhe për të marrë vendimin, raporton rtk.

Ai shtoi se në rast se paraqitet nevoja për shqyrtim shtesë të materialeve, ky afat mund të zgjatet edhe për rreth dy muaj të tjerë, që do të thotë tre deri në pesë muaj të jetë vendimi nga përmbyllja e rastit që pritet  të ndodhë në javën e ardhshme.