Asllani shënon në fitoren e Hoffenheim

Sulmuesi i Kosovës, Fisnik Asllani, ka kontribuar në fitoren bindëse të Hoffenheim ndaj Hamburger SV, në kuadër të Javës së katërmbëdhjetë të Bundesligës.

Hoffenheimi ka fituar me rezultat 4-1, ndërsa Asllani ka realizuar golin e katërt të skuadrës së tij në minutën e shtatëdhjetë e dytë të ndeshjes. Ai është asistuar nga Prass dhe ka treguar qetësi brenda zonës, duke e dërguar topin në cepin e poshtëm të portës.

Golat e tjerë për Hoffenheim janë shënuar nga Promel, Kabak dhe Lemperle, kurse golin e vetëm për skuadrën mysafire e ka shënuar Philippe.

Në tabelën e Bundesligës, e cila kryesohet nga Bayern Munich me 37 pikë, Hoffenheimi renditet në pozitën e katërt me 26 pikë.