Yamal zgjedh golin e tij të preferuar

Sulmuesi i talentuar i FC Barcelona, Lamine Yamal, ka zgjedhur golin e tij të preferuar gjatë një interviste për “CBS Neës”.

Yamal zgjodhi golin e shënuar në gjysmëfinalen e ‘Euro 2024’ kundër Francës. Me një gjuajtje të bukur nga jashtë zonës, ai mposhti portierin Mike Maignan dhe i lejoi ekipit të tij, ‘La Rojas’, të barazonte rezultatin në një ndeshje që më pas e fituan.

“Kam tre ose katër gola të preferuar, por nëse duhet të zgjedh një, është padyshim ai kundër Francës në Kampionatin Evropian, për rëndësinë dhe bukurinë e tij,” tha talenti i Barcelonës.

Ky gol zë një vend të veçantë në karrierën e tij ende të re dhe i ndihmoi të shtonte në listën e arritjeve trofeun e ‘Euro 2024’, një nga më prestigjiozët që ka fituar deri tani.