Presidenti i Lille prish planet e Juventusit: Zhegrova nuk largohet

Juventusi është përballur me një pengesë të papritur në lidhje me Edon Zhegrovën.

Presidenti i Lille ka bërë disa deklarata të rëndësishme që duket se e mbyllin përfundimisht transferimin e lojtarit kosovar te bardhezinjtë.

“Edon Zhegrova do të qëndrojë me ne këtë sezon,” sqaroi Olivier Letang në prag të ndeshjes së Ligue 1 kundër Monacos.

“Nuk kam marrë asnjë ofertë. Mediat italiane kanë tendencë të ekzagjerojnë: nuk ka asnjë marrëveshje apo negociata në zhvillim e sipër.”

“E njoh shumë mirë Damien Comollin dhe kemi folur disa herë që kur ai mori drejtimin e Juventusit,” vazhdoi ai, duke kujtuar kontaktet që kishte pasur me Juven ditët e fundit.

“Pati disa shkëmbime disa javë më parë, dhe dera ishte ndoshta më e hapur atëherë, por sot qëndrimi im është i qartë: Edoni qëndron.”