Monika Salihu jep lajmin e dhimbshëm: Aziz Salihu, diagnostifikohet me sëmundjen e rëndë

Këngëtarja e njohur shqiptare, Monika Salihu, ka ndarë me ndjekësit një lajm prekës dhe të dhimbshëm: babai i saj, legjenda e boksit Aziz Salihu – i njohur si “Zizi Olimpiku” – është diagnostifikuar me sëmundjen e Alzheimerit.

Në një postim emocional, Monika shkruan:

“Nuk mund të gënjej për dhimbjen, por jam dhe do të vdes si qika e boksierit.”

Ajo thekson se, pavarësisht sfidës së rëndë, familja e tyre do të vazhdojë të qëndrojë e bashkuar dhe e fortë.

“Edhe sot ju don me shpirt, edhe pse ai është ndryshe,” – shprehet këngëtarja, duke treguar se dashuria e Azizi Salihut për familjen, Kosovën dhe popullin mbetet e pandryshuar.

Aziz Salihu është një nga figurat më të ndritura të sportit shqiptar, një ikonë e ringut dhe simbol i krenarisë kombëtare, që ka frymëzuar breza të tërë me sukseset e tij.

Mesazhi i Monikës shërben si një thirrje për dashuri, respekt dhe përkujdesje ndaj të moshuarve dhe të gjithë atyre që përballen me sëmundje të rënda.