Kosova pret anëtarësimin në SEPA për të kursyer miliona euro

Bizneset dhe qytetarët në Kosovë paguajnë tarifa shumë më të larta për transferet bankare ndërkombëtare, pasi vendi – i vetmi mes shteteve fqinje – nuk është pjesë e Zonës së Vetme të Pagesave në Euro (SEPA).

Banka Qendrore e Kosovës ka përfunduar fazën e para-aplikimit për anëtarësim në SEPA, por procesi është pezulluar, për shkak të shqyrtimit kushtetues të tri ligjeve.

Ekspertët vlerësojnë se anëtarësimi në SEPA do të ulë ndjeshëm kostot dhe kohën e transferove, raporton Rel.

Për çdo transfer bankar deri në 10 mijë euro që bën jashtë shtetit nga bankat komerciale në Kosovë, ose që pranon nga jashtë, prodhuesi kosovar i pijeve “Frutex” paguan minimum 100 euro.

Pronari i kompanisë, Shaqir Palushi, thotë se kjo shumë zakonisht ndahet në mënyrë të barabartë: 50 euro i paguan kompania e tij kur pranon mjetet dhe 50 euro i paguan pala dërguese.

Por, sipas tij, problemi nuk është vetëm financiar, pasi vonesat në pranimin e mjeteve janë të mëdha.

“Mbërritja e mjeteve mund të zgjasë deri në pesë ditë pune. Kjo është ngarkesë për çdo biznes, që importon dhe eksporton mallra”, thotë Palushi për Radion Evropa e Lirë.

Sipas tij, shkaku kryesor është fakti që Kosova nuk është anëtare e Zonës së Vetme të Pagesave në Euro – SEPA, prandaj komisionet janë shumë më të larta sesa në vendet që janë pjesë e këtij sistemi.

Shkrimi në këtë link👇

https://www.evropaelire.org/a/kosova-pret-anetaresim-ne-sepa-/33588306.html