Blerim Sallahu caktohet ushtrues i detyrës së ministrit të Drejtësisë

Kryeministri në detyrë i Republikës së Kosovës, Albin Kurti, ka caktuar të mërkurën zëvendësministrin e deritanishëm të Drejtësisë, Blerim Sallahu, ushtrues të detyrës së ministrit të Drejtësisë, pas zgjedhjes së Albulena Haxhiut në pozitën e nënkryetares së Kuvendit të Republikës së Kosovës.

Kryeministri Kurti e ka uruar Sallahun për përgjegjësinë e re dhe i dëshiron suksese në përmbushjen e detyrave.