Barcelona pa trajnerin Flick në ‘El Clasico’

Trajneri Hansi Flick nuk do ta udhëheq Barcelonën në ndeshjen “El Clasico” kundër Real Madridit për shkak të suspendimit.

Flick u përjashtua në fitoren e Barcelonës 2:1 ndaj Gironas pas dy kartonëve të verdhë dhe do të mungojë në derbin e së dielës.

Federata e Futbollit të Spanjës, ka konfirmuar mungesën e Flickut në “El Clasico” pasi ka refuzuar apelimin e klubit të Barcelonës.

Kështu që, Flick ndeshjen “El Clasico” që luhet në stadiumin “Santiago Bernabeu” nga ora 16:15, do ta shikojë nga tribunat.

Kjo përballje i takon xhiros së dhjetë të La Ligas, ku prinë Reali në tabelë me 24 pikë, dy më shumë se Barcelona që renditet e dyta.