Trump: Nuk ka raketa Tomahawk për Ukrainën. Rutte: I takon SHBA të vendosë

Presidenti i SHBA-së, Donald Trump nuk po shqyrton, për momentin, një marrëveshje që do t’i lejonte Ukrainës të siguronte raketa Tomahawk me rreze të gjatë veprimi për t’i përdorur kundër Rusisë.

Trump ka qenë i ftohtë ndaj një plani që Shtetet e Bashkuara t’u shesin raketa Tomahawk vendeve të NATO-s që do t’i transferonin ato në Ukrainë, duke thënë se nuk dëshiron të përshkallëzojë luftën.

“Jo, jo tamam”, u tha Trump gazetarëve kur u pyet nëse po shqyrtonte një marrëveshje për të shitur raketat. Megjithatë, ai shtoi se mund të ndryshonte mendje.

Trump dhe Sekretari i Përgjithshëm i NATO-s, Mark Rutte, diskutuan idenë e dërgimit të raketave Tomahawk kur u takuan në Shtëpinë e Bardhë më 22 tetor.

Rutte tha të premten se çështja ishte duke u shqyrtuar dhe se i takon Shteteve të Bashkuara të vendosin.

Raketat Tomahawk kanë një rreze veprimi prej 2.500 km, mjaftueshëm gjatë për të goditur thellë brenda Rusisë, përfshirë Moskën.

Presidenti ukrainas Volodymyr Zelenskiy ka kërkuar raketat, por Kremlini ka paralajmëruar kundër çdo furnizimi me Tomahawk për Ukrainën. /rtsh/