Trump kërcënon Iranin: Objektet energjetike do të shkatërrohen nëse s’ka marrëveshje së shpejti

Presidenti amerikan Donald Trump ka lëshuar një paralajmërim të fortë ndaj Iranit, duke deklaruar se Shtetet e Bashkuara mund të godasin dhe të shkatërrojnë termocentralet e vendit nëse nuk arrihet një marrëveshje së shpejti.

Në një postim në rrjetet sociale, Trump tha se bisedimet me Iranin vazhdojnë dhe se ekziston mundësia për arritjen e një marrëveshje.

“Shtetet e Bashkuara të Amerikës janë në diskutime serioze me një regjim të ri dhe më të arsyeshëm për t’i dhënë fund operacioneve tona ushtarake në Iran. Është bërë përparim i madh, por, nëse për ndonjë arsye nuk arrihet një marrëveshje së shpejti, gjë që ndoshta do të jetë, dhe nëse ngushtica e Hormuzit nuk hapet menjëherë për biznes, ne do të përfundojmë qëndrimin tonë duke hedhur në erë dhe duke zhdukur plotësisht të gjitha impiantet e tyre të gjenerimit të energjisë, puset e naftës dhe ishullin Kharg dhe ndoshta të gjitha impiantet e shkripëzimit, të cilën qëllimisht nuk e kemi prekur ende. Kjo do të jetë si hakmarrje për ushtarët tanë të shumtë dhe të tjerët që Irani i ka masakruar dhe vrarë gjatë ‘Mbretërimit të Terrorit’ 47-vjeçar të regjimit të vjetër”, shkruan Trump.

Më herët, një zëdhënës i ministrisë së jashtme të Iranit i quajti propozimet e SHBA-së për t’i dhënë fund luftës “të tepërta dhe të paarsyeshme”. /rtsh/