Shefja e BE-së në Kosovë falënderon presidenten Osmani për bashkëpunimin

Presidentja Vjosa Osmani ka organizuar sot një pritje, ku një nga të ftuarat ishte shefja në Detyrë e Bashkimit Evropian në Kosovë, Eva Palatova.

Sipas një njoftimi të Zyrës së BE-së në Kosovë, Palatova pati nderin të marrë pjesë në këtë takim dhe të falënderonte Presidenten Osmani për bashkëpunimin e saj gjatë viteve.

“Si partneri më i besueshëm i Kosovës, Bashkimi Evropian mbetet i përkushtuar për të mbështetur Kosovën në rrugën e saj drejt integrimit në BE,” tha Palatova, duke theksuar angazhimin e vazhdueshëm të BE-së për vendin.