Roma fiton me përmbysje nga Fiorentina dhe ngjitet në krye të Serie A

Roma ka vazhduar formën e mirë në Serie A, duke fituar nga Fiorentina me rezultat 2-1 në “Stadio Artemio Franchi” dhe duke u ngjitur në krye të tabelës.

Fiorentina ka kaluar e para në epërsi në minutën e katërmbëdhjetë, kur Moise Kean ka shënuar një gol nga distanca prej rreth njëzet metra.

Roma ka reaguar shpejt dhe e ka barazuar rezultatin në mes të pjesës së parë me një goditje të saktë nga Matias Soule, që e ka realizuar golin e tij të tretë në këtë edicion.

Vetëm disa minuta më vonë, në minutën e tridhjetë, Roma ka përmbysur gjithçka. Bryan Cristante ka shënuar me kokë pas një krosimi nga këndi të Soule, duke i dhënë avantazhin ekipit të Gian Piero Gasperini.

Në pjesën e dytë ritmi i lojës ka rënë, por Fiorentina ka pasur disa raste të mira për barazim. Kean e ka goditur shtyllën, ndërsa në minutën e shtatëdhjetë e katërt Roberto Piccoli e ka tronditur traversën me një goditje të fortë nga distanca. Më pas, Robin Gosens e ka humbur një rast të artë nga afërsia, duke mos e qëlluar portën.

Në fund, Roma e ka mbajtur epërsinë duke dalur me pikë të plota dhe duke regjistruar fitoren e pestë në gjashtë ndeshjet e para të kampionatit.

Nga ana tjetër, Fiorentina vazhdon të jetë në krizë, duke mbetur pranë zonës së rënies dhe ende pa asnjë fitore në këtë sezon të Serie A.