Presidenti Ademi: Gjithçka është gati për ndeshjen e sotme (FOTO)

Presidenti i FFK-së, Agim Ademi përmes një postimi në rrjetet sociale, ka bërë më dije se gjithçka është gati për ndeshjen e sotme mes Kombëtares së Kosovës dhe Zvicrës.

Dardanët dhe zviceranët do të përballen sonte në ‘Fadil Vokrri’ në ndeshjen e fundit të kualifikimeve për Kupën e Botës 2026.

Pavarësisht shiut të pandërprerë që po bie në Kosovë, megjithatë, sipas kreut të FFK-së, ekipi organizativ ka punuar me përkushtim që nga orët e para të mëngjesit dhe çdo detaj është vënë në vend.

Gjithçka është gati për ndeshjen e sotme! Ekipi organizativ ka punuar me përkushtim që nga orët e para të mëngjesit dhe çdo detaj është vënë në vend. Fusha na pret, tribunat janë gati të mbushen me emocion, zëra e brohorima. Tani është momenti ynë, është koha e ekipit dhe tifozëve! Shihemi në stadium!”, ka shkruar Ademi.