Mike Lee Mike Lee: Maduro do të gjykohet në SHBA

Pas arrestimit të presidentit të Venezuelës, Nicolás Maduro, Senatori republikan amerikan Mike Lee konfirmon se Maduro do të përballet me gjyq në Shtetet e Bashkuara mbi akuza penale.

Lee tha se ky zhvillim u bë i mundur pas një bisede telefonike me Sekretarin e Shtetit amerikan, Marco Rubio, i cili sipas senatorit “parashikon që nuk do të ketë veprime të tjera në Venezuelë tani që Maduro ndodhet në paraburgim në SHBA”, raporton BBC.

Senatori shtoi se sulmet amerikane që shoqëruan arrestimin ishin “përdorur për të mbrojtur dhe mbështetur ata që zbatuan urdhrin e arrestimit”.

Në një postim më herët në X, Lee shprehu interes për të kuptuar “çfarë mund të justifikonte kushtetutshmërisht këtë veprim në mungesë të shpalljes së luftës apo autorizimit për përdorimin e forcës ushtarake”.