Lajme të këqija vijnë nga Torino, Ismajli humbet sfidën kundër Serbisë

Lajme të këqija për kombëtaren shqiptare në prag të sfidës vendimtare kundër Serbisë, që do të luhet më 11 tetor.

Ardian Ismajli i cili pësoi një dëmtim gjatë humbjes së Torinos ndaj Parmës ditën e hënë, iu nënshtrua testeve që zbuluan një dëmtim të rëndë. Qendërmbrojtësi kuqezi pritet që të mungojë për një kohë të gjatë, por më shumë informacion mbi rikuperimin dhe kohën e rikuperimit të mbrojtësit do të jetë i disponueshëm në ditët në vijim nga klubi italian.

“Testet instrumentale të kryera ndaj futbollistit Ardían Ismajli zbuluan një dëmtim në kofshën e djathtë. Shkalla e dëmtimit të mbrojtësit do të rivlerësohet në ditët në vijim”, shkruhet në njoftimin e Torinos.