Haaland i pandalshëm, City fiton ndaj Brentfordit dhe i afrohet me kreut

Në një fundjavë ku kampionët në fuqi të Premier League, Liverpool, u mundën, Manchester City shfrytëzoi rastin për të forcuar pozitat në garën për titull duke mposhtur Brentfordin me rezultat minimal 1-0 në Londrën Perëndimore.

Kjo fitore shënon ndeshjen e shtatë radhazi pa humbje për “Citizens” në të gjitha garat.

Brentford, që këtë sezon është njohur për startet e forta, pësoi herët në takim. Një top i gjatë nga Joško Gvardiol u shndërrua në asist për Erling Haaland, i cili me forcën e tij trupore mposhti Sepp van den Berg dhe shënoi me një goditje të fuqishme në këndin e afërt të portierit Caoimhin Kelleher.

Megjithëse City dominoi pjesën e parë, ekipi i Pep Guardiolës mori një goditje kur Rodri u detyrua të largohej për shkak lëndimi. Përkundër kësaj, mysafirët mund të kishin dyfishuar epërsinë, por një pritje spektakolare e Kelleherit ndali voleun e Tijjani Reijnders.

Në pjesën e dytë, Brentford u përpoq të gjente golin e barazimit. Igor Thiago kishte rastin më të mirë, por prekja e tij e rëndë lejoi portierin Gianluigi Donnarumma të ndërhynte në kohë. Raste të tjera të humbura, si ai i Michael Kayode me kokë, treguan mungesën e saktësisë në sulm për vendasit.

City u duk më pasiv në fraksionin e dytë, por mbrojti me sukses avantazhin minimal deri në fund, duke marrë tre pikë të rëndësishme që e afrojnë në vetëm tre pikë nga kryesuesit e Premier League.

Brentford mbetet në zonën e poshtme të tabelës, por futet në pushimin ndërkombëtar jashtë zonës së rënies nga liga.