Behrami: Osmani dhe Kurtit fillimisht kanë kundërshtuar çdo marrëveshje të Thaçit, por në fund e kanë pranuar dhe promovuar!

Deputeti i PDK-së, Artan Behrami, thotë se Vjosa Osmani dhe Albin Kurti, çdo marrëveshje të Hashim Thaçit, nga Rambuje e deri te Marrëveshja e Uashingtonit, fillimisht e kanë kundërshtuar e më pas e kanë pranuar.

“Një herë e kanë kundërshtuar, më pas e kanë demonizuar, më pas e kanë përqeshur. Më pas e kanë pranuar! Në fund e kanë promovuar! Përfundimisht, intaçinj të Prapa-Mbetur!”, ka shkruar Behrami.

Së fundmi është pjesë e debatit të madh në Kosovën promovimi që presidentja Vjosa Osmani i ka bërë Marrëveshjes së Uashingtonit, të cilën dikur e pati kundërshtuar fuqishëm bashkë me Albin Kurtin, raporton Ballkani.info.