Dronët rusë godasin Ukrainën jugore dhe lindore

Sulmet ruse me dronë goditën disa pjesë të Ukrainës gjatë natës, duke përfshirë ndërtesa banimi në rajonin jugor të Khersonit – ku u plagosën 19 persona, sipas guvernatorit rajonal, Olexandr Prokudin.

“Një gazsjellës, një pikë karburanti, një punishte riparimi makinash dhe disa automjete private u dëmtuan gjithashtu”, shkroi Prokudin në Telegram.

“Në qytetin lindor ukrainas të Chuhuiv, të paktën tre persona u plagosën në sulmin me dron, përfshirë një djalë 12-vjeçar”, tha guvernatori ushtarak Oleh Synegubov në Telegram.

“Dy persona u plagosën gjithashtu në Kupjansk”, shtoi ai.

Media ukrainase raportoi se një numër njerëzish kërkuan strehim në boshte hekurudhore nëntokësore dhe strehimore të tjera.

Sirenat e sulmit ajror u dëgjuan në pjesë të mëdha të vendit, duke përfshirë rajonin verior si, Sumy, Donetsk dhe Kharkiv dhe Dnipro dhe Zaporizhia në juglindje.

Fillimisht nuk u dha asnjë informacion në lidhje me dëmet apo viktimat.

Ukraina, nga ana tjetër, sulmoi objektivat në Rusi.

“Dronët rus u interceptuan në rajonin e Rostovit në Rusinë jugore dhe në rajonin e Smolenskut në jugperëndim të Moskës”, sipas raporteve zyrtare.

Pretendimet nga të dyja palët nuk mund të verifikohen në mënyrë të pavarur. /atsh/