Trump heq portretin e Biden nga Shtëpia e Bardhë

Presidenti amerikan, Donald Trump ka shkaktuar debat duke zëvendësuar portretin e Joe Biden në korridorin “Walk of Fame” në Shtëpinë e Bardhë me një foto të një makinerie firmosjeje që shtyp automatikisht nënshkrimin e Biden.

Në të dyja anët e fotos ndodhen portrete të Trump, duke theksuar mandatin e tij para dhe pas Biden, transmeton klankosova.tv.

Ky veprim interpretohet si një provokim i qëllimshëm në përplasjen e gjatë mes dy rivalëve politikë, pasi Trump e ka akuzuar më herët Bidenin se është shumë i dobët për detyrën dhe përdor pajisje për të nënshkruar dokumentet, akuza që Biden i ka quajtur “qesharake”.

Ish-zëdhënësi i Joe Biden, Chris Meagher, reagoi me sarkazëm ndaj zëvendësimit të portretit të Biden në Shtëpinë e Bardhë, duke ironizuar se administrata Trump po fokusohet te ulja e çmimeve dhe ndihma për familjet në nevojë.