Shkëndija e Tetovës e nis me humbje në Conference League

Rayo Vallecano ka arritur një fitore 2-0 ndaj Shkëndijës së Tetovës në ndeshjen e zhvilluar të enjten në “Estadio de Vallecas” në kuadër të Conference League.

Teposhtëza e skuadres shqiptare nga Maqedonia e Veriut ka filluar pas njëzet minutash lojë, kur përfundimisht është konkretizuar dominimi i skuadrës vendase. Portieri i Shkëndijës ka bërë disa pritje vendimtare, por nuk ka arritur të ndalte golat.

Ka qenë Unai Lopez ai i cili fillimisht e ka shfrytëzoi pasimin e Pacha Espino për të dërguar topin në cepin e poshtëm të portës e vetëm katër minuta më vonë, Alvaro Garcia ka asistuar për Fran Perez, i cili me një goditje të saktë e ka dyfishuar epërsinë e vendasve.

Në pjesën e dytë, vendasit kanë vazhduar të krijojnë raste, duke pasur një dominim të qartë në goditjet drejt portës, ndërsa Shkëndija pavarësisht disa tentativave ka mbetur pa shënuar falë pritjeve të portierit Gaye.