Reali deklason Bilbaon, shkëlqen Mbappe

Kylian Mbappe ishte protagonist absolut në fitoren e Real Madridit, duke u përfshirë në të gjitha tre golat e ndeshjes në triumfin 3-0 kundër Athletic Bilbaos, në takimin e La Ligas që e kthen skuadrën e Xabi Alonso-s në binarët e fitores pas tre barazimeve radhazi, shkruan Rekordi.net.

Superylli francez hapi serinë e golave që në minutën e 7-të, pasi mori një pasim të saktë nga Trent Alexander-Arnold, tejkaloi dy mbrojtës dhe goditi fuqishëm pa asnjë mundësi për portierin Unai Simón.

Athletic u përpoq të reagonte përmes Gorka Guruzetës dhe Nico Williams, por Thibaut Courtois ishte në lartësinë e duhur me disa pritje vendimtare. Në anën tjetër, Vinícius Júnior vazhdoi të kërcënonte, duke goditur edhe shtyllën.

Real Madridi e dyfishoi epërsinë para pushimit: Alexander-Arnold harkoi në zonë, Mbappé asistoi me kokë, ndërsa Eduardo Camavinga e dërgoi topin në rrjetë për rezultatin 2-0.

Pjesa e dytë nisi me ritëm të lartë, dhe pas disa tentimeve të Athleticut, ishte sërish Mbappé që shënoi një gol spektakolar nga distanca, duke vulosur fitoren dhe mësynë e tij të dytë personale.

Ndeshja u karakterizua nga disa ndërhyrje të forta, me Alexander-Arnold dhe Camavingan që u larguan të lënduar, por Real Madridi arriti të ruajë epërsinë deri në fund pa shumë vështirësi.

Me këtë fitore, “Los Blancos” qëndrojnë vetëm një pikë prapa Barcelonës kryesuese, ndërsa Athletic Bilbao regjistron humbjen e katërt në gjashtë ndeshjet e fundit dhe zbret në pozitën e tetë të renditjes. /Rekordi.net