O’Brennan: Serbia nuk ka vend në BE pas ceremonisë për Mladiqin

Profesori irlandez i politikave evropiane, John O’Brennan, ka kritikuar ashpër Bashkimin Evropian për qasjen ndaj Serbisë, pas ceremonisë së varrimit të ish-komandantit serb të Bosnjës, Ratko Mladiq.

O’Brennan tha se BE-ja për vite me radhë është bindur se Serbia ka ndryshuar ose po bëhet një shtet “normal” evropian.

“Sot, Kisha dhe shteti i Serbisë i dhanë një varrim si heroi kasapit të Bosnjës”, shkroi ai në X, raporton rtk.

Sipas tij, Serbia, pas këtij veprimi, “kategorikisht nuk ka vend në Bashkimin Evropian”.