Moti sot në Kosovë, me diell e vranësira

Sot në Kosovë do të mbajë mot kryesisht me diell dhe vranësira të shpërndara, të cilat në disa zona mund të shoqërohen me reshje të dobëta shiu.

Temperaturat minimale do të lëvizin nga 6 deri në 10°C, ndërsa ato maksimale pritet të arrijnë nga 17 deri në 20°C.

Sipas Institutit Hidrometeorologjik të Kosovës, gjatë ditës do të fryjë erë nga drejtimi i veriperëndimit, me shpejtësi prej 1 deri në 5 m/s.