Kuvendi mblidhet në orën 22:00 për zgjedhjen e presidentit

Pas dështimit të votimit në seancën e mbajtur pas orës 20:00 për ndryshimet kushtetuese për zgjedhjen e presidentit, të propozuara nga presidentja Vjosa Osmani, Kuvendi do të mblidhet edhe në një seancë tjetër gjatë mbrëmjes të së enjtes.

Kjo seancë do të fillojë nga ora 22:00, ka njoftuar kryetarja e Kuvendit, Albulena Haxhiu.

Në rend dite të kësaj seance është zgjedhja e presidentit të Republikës së Kosovës.

Në seancën e jashtëzakonshme e cila përfundoi pa votim, qenë të pranishëm 93 deputetë, por jo mjaftueshëm nga komunitetet joshumicë, që nevojitet pjesëmarrja e 2/3-ve të tyre për të kaluar amendamentet kushtetuese. Në sallë munguan deputetët e Listës Serbe dhe Duda Balje.