Izraeli: Lejuam ndihmën humanitare në Gazë për të shmangur sanksionet nga BE

Ministri i Energjisë Eli Cohen ka deklaruar se vendimi për të rritur ndihmën humanitare në Gazë u mor për të shmangur sanksionet evropiane.

“Hamas dëshiron të arrijë në një situatë kur do të marrë vendime kundër shtetit të Izraelit në skenën ndërkombëtare, për të arritur një qëllim që lufta të përfundojë dhe ai të vazhdojë të ekzistojë, ” tha Cohen në një intervistë për mediat izraelite, ndërsa shtoi se Izraeli nuk ra në ‘këtë kurth’.

Cohen, i cili më parë shërbeu si ministër i Jashtëm ka theksuar se “Ministria e Jashtme mbajti takime me homologët e tyre në Evropë, dhe për të parandaluar sanksionet evropiane ndaj Izraelit, u vendos që të përparohet në këto hapa, ” përfshirë miratimin e një tubacioni të ri uji.

Një takim i ministrave të Jashtëm të BE-së në fillim të këtij muaji vendosi kundër miratimi i masave ndëshkuese kundër Izraelit, por kërkoi “hapa më konkretë ” në rritjen e ndihmës për Rripin e Gazë.

për të shmangur çdo sanksion të mëtejshëm diplomatike.

Ndërkaq, më herët, gjatë një vizite në Bazën e Forcave Ajrore Ramon në shkretëtirën Negev, kryeministri Benjamin Netanyahu ka deklaruar se Izraeli duhet të lejojë furnizimet në Gazë pa marrë parasysh se si shkon lufta.

“Ne do të eliminojmë Hamasin. Për të përfunduar këtë qëllim, dhe gjithashtu lirimin e pengjeve tona, ne po përparojmë në luftime dhe negociata. Në çdo rrugë që zgjedhim, do të duhet të vazhdojmë të lejojmë hyrjen e furnizimeve minimale humanitare. Ne e kemi bërë këtë deri më tani”, tha Netanjahu.

Javën e kaluar, në mes të akuzave se Izraeli po kryen gjenocid në Gazë përmes urisë Netanyahu rriti në mënyrë drastike sasinë dhe kanalet e ndihmës që hynin në Gazë, një largim i mprehtë i politikës së Izraelit që prej muajit mars.

Kryeministri akuzoi gjithashtu OKB-në se po gënjen për Izraelin: “OKB thotë se ne nuk po lejojmë që furnizimet humanitare të hyjnë në Gazë, por në fakt ndodh e kundërta. Ka konvoje të siguruara. Por sot është zyrtare. Nuk do të ketë më justifikime. Ne do të vazhdojmë të luftojmë, do të vazhdojmë të veprojmë derisa të arrijmë të gjitha qëllimet tona të luftës — deri në fitoren e plotë.” /rtsh/