Guardiola i shmanget pyetjes për të ardhmen e tij pas finales në ‘Wembley’

Trajneri i Manchester City, Pep Guardiola, ka refuzuar të japë një përgjigje të qartë rreth të ardhmes së tij pas fitores 1-0 ndaj Chelsea në finalen e FA Cup në “Wembley”.

Ky triumf i siguroi Guardiolës trofeun e tij të 20-të madhor në futbollin anglez, por spekulimet për një largim të mundshëm nga “Etihad” vazhdojnë të shtohen.

Në deklaratat pas ndeshjes, tekniku spanjoll u tregua i rezervuar dhe shmangu pyetjet direkte për vazhdimin e karrierës së tij te City.

“Jam shumë i lumtur për këtë fitore. Ka qenë një sezon i vështirë dhe një finale e madhe për ne”, deklaroi Guardiola.

I pyetur për të ardhmen, ai nuk dha një konfirmim të qartë, duke lënë gjithçka të hapur.

“E kuptoj interesimin, por tani nuk është momenti për këto përgjigje”, u shpreh ai.

Spekulimet për një largim të mundshëm janë shtuar, megjithatë Guardiola nuk ka dhënë asnjë sinjal konkret për vendimin e tij pas këtij sezoni.