BE i kërkon Ukrainës të intensifikojë luftën kundër korrupsionit

Dy zyrtarët më të lartë të Bashkimit Evropian, Ursula von der Leyen dhe Antonio Costa, i kanë bërë thirrje Ukrainës të vazhdojë reformat në luftën kundër korrupsionit, pas miratimit të një ligji që rikthen pavarësinë e dy agjencive kryesore antikorrupsion.

Në një deklaratë të përbashkët, ata e quajtën ligjin “një hap të mirëpritur”, por theksuan se përparimi drejt BE-së kërkon përpjekje të vazhdueshme në forcimin e sundimit të ligjit.

Ligji i ri rivendos pavarësinë e Byrosë Kombëtare Kundër Korrupsionit dhe Zyrës së Prokurorit të Specializuar, të cilat ishin vënë nën kontrollin e Prokurorit të Përgjithshëm me një ligj të mëparshëm.

Zyrtarët e BE-së kërkuan që Ukraina të ndërmarrë hapa të vendosur për të luftuar korrupsionin dhe të përmbushë angazhimet e saj për anëtarësim në Union.