Anderson, sërish MVP

Java e gjashtë e Superligës së Kosovës në basketboll, solli shumë përballje interesante.

Bashkimi fitoi derbin ndaj GO+ Peja, duke mbetur skuadra e vetme e pamposhtur në elitë.

Kyan Anderson ishte më i dalluari në derbi me 16 pikë, gjashtë kërcime e tetë asistime, duke u shpallur MVP.

Ai u ndihmua nga qendra Dequon Lake me 14 pikë e shtatë kërcime.

Trepça fitoi si vendas ndaj Rahoveci 029, ku më i dalluari te ‘Xehetarët’ ishte Drilon Hajrizi me 25 pikë, shtatë kërcime dhe gjashtë asistime.

Sigal Prishtina u rikthye te fitore, duke mundur Vëllaznimin në Gjakovë, ku te bardhekaltrit më i miri ishte Adrio Bailey me 25 pikë, shtatë kërcime dhe dy asistime.

Tyler Cheese debutoi te Bora me 26 pikë, tri kërcime dhe dy asistime.

MVP

Kyan Anderson (Bashkimi) 16 pikë, 6 kërcime, 8 asistime, 24 indeksi

Top 5

Kyan Anderson (Bashkimi) 16 pikë, 6 kërcime, 8 asistime, 24 indeksi

Dequon Lake (Bashkimi) 14 pikë, 7 kërcime, / asistime, 23 indeksi

Drilon Hajrizi (Trepça) 25 pikë, 7 kërcime, 6 asistime, 30 indeksi

Adrio Bailey (Sigal Prishtina) 25 pikë, 7 kërcime, 2 asistime, 29 indeksi

Tyler Cheese (Bora) 26 pikë, 3 kërcime, 2 asistime, 18 indeksi