Yildiz: Dua t’i fitoj të gjithë titujt me Juve, si Del Piero

Ylli i ri i Juventusit, Kenan Yildiz, në një intervistë për mediet italiane, ka shprehur dashurinë e madhe për klubin bardhezi.

Ai thotë se me Juvën synon t’i fitojë gjithë titujt sikurse ikona e torinezëve, Alessandro Del Piero.

“Dua t’i fitoj të gjithë titujt me Juventusin, si Alessandro Del Piero. Dua të mbetem përgjithmonë këtu, është një ëndërr për mua”, u shpreh Yildiz.

Mesfushori turk, që po tregon rritje të vazhdueshme me fanellën e Juves, duket i vendosur të ndërtojë një karrierë afatgjatë në Torino dhe të bëhet simbol i klubit në vitet që vijnë.

Deklarata e tij vjen në një moment kur Juventus është në proces rinovimi dhe rikthimi në majat e futbollit italian dhe evropian.