Vuçiqi e Gjuriqi “tranohen” kur e shohin presidenten Osmani në selinë e OKB’së

Ministri i Jashtëm serb, Marko Gjuriq, tha sot se delegacioni serb ka paraqitur një notë zyrtare në Kombet e Bashkuara sepse Presidentja e Kosovës, Vjosa Osmani, “hyri kontrabandë” në ndërtesën e OKB-së.

Në një deklaratë për gazetarët nga Serbia që raportuan për vizitën në OKB, Gjuriq tha se Osmani mori një lejekalim nga një delegacion tjetër dhe se ajo hyri në Asamblenë e Përgjithshme të OKB-së në atë mënyrë, transmeton Ballkani.info.

Presidenti serb, Aleksandar Vuçiq, e krahasoi përpjekjen e saj me vizitat turistike në OKB, duke shtuar se Osmani mund të shkojë kudo, përveç sallës kryesore të OKB-së.

“Kur vjen turi, ke një orë për të vizituar, kështu që Vjosa Osmani mund të shkojë me ta, të paguajë për një helikopter, për një orë dhe pastaj ata e sjellin me mirësjellje, e shoqërojnë atje dhe e hedhin jashtë kur të mbarojë ora turistike, ajo derë e hapur. Do të mbetet kështu për shumë vite që do të vijnë”, tha Vuçiq.