Top 5 dhe MVP i javës së dytë

Java e dytë e Superligës e Superligës së Kosovës në basketboll, solli shumë sfida interesante.

GO+ Peja fitoi në derbin e javës ndaj Golden Eagle Yllit, ku Alan Herndon kishte dyshifror të dyfishtë me 13 pikë e dhjetë kërcime, duke pasur indeksin 21, apo më të lartin në këtë sfidë. Alan shpallet MVP i javës së dytë.

Ai u ndihmua nga Malcolm Armstead me 18 pikë, tri kërcime e shtatë asistime.

Batin Tuna u dallua te Trepça në fitoren e lartë ndaj Vëllaznimit me 24 pikë, dhjetë kërcime e gjashtë asistime.

Arian Azemi ishte më i miri te Sigal Prishtina në fitoren ndaj Borës me 19 pikë, pesë kërcime e nëntë asistime.

Lejson Zeqiri ishte më meritori për fitoren e Bashkimit ndaj Rahoveci 029. Zeqiri shënoi pesë pikë në fund të ndeshjes, derisa e mbylli ndeshjen me 17 pikë, dhjetë kërcime e një asistim.