Shqipëri, dita e sotme me alternime kthjellimesh dhe vranësirash, reshje shiu në disa zona

Ditën e sotme (15 shtator) pritet që vendi ynë të ndikohet nga kushte atmosferike relativisht të paqëndrueshme.

Moti parashikohet me alternime kthjellimesh dhe vranësirash mesatare e lokalisht të dendura, më të theksuara në zonën lindore e jug të vendit.

Vranësirat e dendura në relievet kodrinore –malore në lindje jug do të shoqërohen me reshje lokale dhe afatshkurtra shiu, si dhe shtrëngata të izoluara gjatë orëve të mesditës e pasdites.

Era, do të fryjë e lehtë me drejtim kryesor verilindje – veriperëndim me shpejtësi mesatare 7m/s.

Valëzim në det do të jetë i forcës 1-2 ballë.