Rusia bombardon sërish Kievin, vriten 21 persona

Kievi u bombardua gjatë natës nga sulmi i dytë më i madh ajror i Rusisë që nga pushtimi i plotë i Ukrainës, me të paktën 21 të vrarë, përfshirë katër fëmijë.

Nga sulmet ruse u dëmtuan ndërtesat e BE-së dhe Këshillit Britanik, duke sjellë kështu reagimin e menjëhershëm të ndërkombëtarëve e britanikëve të cilët thirrën diplomatët më të lartë rusë në kryeqytetet e tyre.

Kreu i Administratës Ushtarake të Kievit, Tymur Tkachenko bëri me dije se mes viktimave ka edhe fëmijë të moshave 2, 17 dhe 14 vjeç.

Forcat ajrore të Ukrainës deklaruan se Kremlini lëshoi ​​629 armë sulmi ajror në vend gjatë ditës, duke përfshirë 598 dronë dhe 31 raketa.

Ministria e mbrojtjes e Rusisë reagoi duke thënë se goditi “ndërmarrjet e kompleksit ushtarako-industrial dhe bazat ajrore ushtarake në Ukrainë” duke përdorur “armë me precizion të lartë”. /rtsh/