Prishtina fiton dramën në Skenderaj, truimfon edhe Ballkani, Llapi dhe Ferizaj ndajnë pikët

Ndeshje spektakolare në Skenderaj! Prishtina ka arritur një fitore dramatike ndaj Drenicës me rezultat të ngushtë 4-3, në një përballje plot emocione dhe kthesa të papritura.

Kryeqytetasit e nisën furishëm takimin, duke shënuar tre gola që në pjesën e parë, për të krijuar një epërsi të thellë 4-0 në minutat e para të fraksionit të dytë. Por vendasit të Drenicës nuk u dorëzuan – ata reaguan fuqishëm, duke realizuar tre gola radhazi dhe duke e kthyer ndeshjen në një thriller të vërtetë.

Në minutat e fundit, Drenica ishte shumë afër barazimit, por Prishtina rezistoi dhe arriti të ruajë tri pikët e plota, duke vazhduar rrugëtimin drejt kreut të tabelës së Superligës së Kosovës.

Ndërkohë, në një ndeshje tjetër të kësaj fundjavë, Ballkani ka mposhtur Dukagjinin me rezultat të pastër 2-0, duke mbetur në ndjekje të afërt me skuadrat kryesuese.

Ndeshja mes Llapit dhe Ferizajt në kuadër të Superligës së Kosovës përfundoi me rezultat të barabartë 1-1, pas një dueli të fortë dhe me shumë emocione në fushë.

Qysh në minutat e para të lojës, të dyja skuadrat treguan qasje sulmuese, duke krijuar raste të mira shënimi, por pa arritur të gjejnë rrugën e rrjetës gjatë pjesës së parë, e cila u mbyll me rezultatin 0-0.

Në pjesën e dytë, Llapi mori epërsinë pas një ore lojë me golin e Muhamet Hysenit, duke e çuar rezultatin në 1-0. Megjithatë, reagimi i Ferizajt erdhi shpejt: vetëm pesë minuta më vonë, Betim Haxhimusa realizoi një gol spektakolar me gërshërë, duke barazuar shifrat në 1-1.

Të dyja skuadrat patën mundësi për të siguruar fitoren — Donart Llabjani u ndal nga portieri Coric, ndërsa Gnapi rrezikoi në anën tjetër, por pa sukses.

Në fund, rezultati mbeti i pandryshuar dhe Llapi me Ferizajn ndanë nga një pikë.

Pas kësaj barazimi, të dyja ekipet kanë nga 10 pikë në renditje.