Musliu e ashpër me VV-në: E ka blloku shtetin sërish për një pozitë që s’ka peshë dhe ndikim

Deputetja e PDK-së, Ganimete Musliu, ka kritikuar VV-në për bllokimin e Kuvendit dhe të shtetit.

Duke e komentuar çështjen e moszgjedhjes së nënkryetarit të Kuvendit nga minoriteti serb, ajo ka bërë me dije se VV-ja e ka bllokuar shtetin për një pozitë e cila nuk ka ndonjë peshë.

Sipas saj, kjo tregon për mungesës e përgjegjësisë që ka VV-ja.

“Shteti sërish i bllokuar për një pozitë që s’ka as peshë, as ndikim. Populizmi dhe mungesa e përgjegjësisë po i kushtojnë vendit edhe 30 ditë pa funksionim. Kush nuk di të qeverisë, bën teatër me institucione. Republika nuk është lodër për interesa partiake”, ka thënë Musliu për gazetën Blic.