Guardiola: Arsenal është skuadra më e mirë në botë
Trajneri i Manchester City, Pep Guardiola, ka deklaruar se Arsenal është aktualisht skuadra më e mirë në botë, duke pranuar epërsinë e londinezëve në Premier League dhe në Champions League.
City po kalon një periudhë të vështirë, pas humbjes nga Manchester United në kampionat dhe disfatës befasuese ndaj Bodo/Glimt në Evropë. Kampionët në fuqi ende nuk kanë fituar asnjë ndeshje kampionale në vitin 2026, çka i ka lejuar Arsenal të krijojë epërsi prej shtatë pikësh në krye të tabelës.
Megjithatë, Guardiola ka mbrojtur lojtarët e tij, duke i cilësuar si një skuadër të jashtëzakonshme, pavarësisht mungesave të rëndësishme në mbrojtje për shkak të lëndimeve të Ruben Dias dhe Josko Gvardiol.
Ai ka konfirmuar se përforcimi i ri, Marc Guehi, pritet të debutojë fundjavën ndaj Wolves.