Godet Inaki Williams: Superkupa e Spanjës në Arabinë Saudite është një turp

Kapiteni i Athletic Bilbaos, Inaki Williams, pati një vlerësim të ashpër për Superkupën e Spanjës në Arabi, ku skuadra e tij do të përballet me Barcelonën në gjysmëfinale më 7 janar (finalisti tjetër do të dalë nga ndeshja e Real Madridit kundër Atlético Madridit më 8 janar). “Për mua, të luash atje është një turp”, tha sulmuesi për El Chiringuito TV. “Është e vështirë për tifozët të organizojnë udhëtimin për në Arabinë Saudite dhe të duket sikur po luan jashtë fushe”.

Lojtari, vëllai më i madh i Nico-s, është gjithashtu i bezdisur nga një çështje personale, gruaja e tij është në një fazë të avancuar të shtatzënisë dhe mund të lindë nga momenti në moment. “Është e vështirë të lë gruan dhe djalin tim këtu”, pranoi Ëilliams, 31 vjeç. “Unë jam ende në dispozicion të klubit dhe do të përpiqem të luaj Superkupën në mënyrën më të mirë të mundshme”.

Superkupa e Spanjës zhvillohet në Arabinë Saudite prej gjashtë vitesh, dhe vitin e kaluar Williams u ankua gjithashtu për vendin e largët që zhvillohet.