Gjendet pa shenja jete një person në Prishtinë

Një person është gjetur pa shenja jete mbrëmjen e së mërkurës në Prishtinë, policia nis hetimet.

Sipas informacioneve zyrtare, rreth orës 23:30 është pranuar njoftimi se një person ndodhej i pajetë në rrugën “Radovan Zogoviç”.

Kështu ka bërë të ditur zëdhënësi i Policisë për rajonin e Prishtinës, Enis Pllana.

Bëhet e ditur se në vendin e ngjarjes kanë dalë menjëherë njësitet policore dhe ekipi mjekësor, i cili ka konstatuar vdekjen e viktimës, një mashkull.

Policia, në koordinim me prokurorin e shtetit, ka nisur hetimet lidhur me rastin dhe është duke ndërmarrë të gjitha veprimet e nevojshme hetimore dhe ekzaminuese.