Blerta Deliu kërkon hetim të plotë për dyshimet e manipulimeve në Mitrovicë

Deputetja e Partisë Demokratike të Kosovës (PDK), Blerta Deliu, ka reaguar pas raportimeve për parregullsi dhe dyshime për manipulime gjatë procesit zgjedhor në Komunën e Mitrovicës.

Sipas raportimeve, Policia dhe Prokuroria kanë shkuar në Qendrën e Numërimit pas dyshimeve se janë gjetur fletëvotime të dyshuara për manipulim.

Deliu ka kërkuar nga organet e drejtësisë që të zhvillojnë hetim të plotë dhe të paanshëm për këtë rast.

“Në Mitrovicë janë raportuar parregullsi serioze në procesin zgjedhor. Fletëvotimet e dyshuara për manipulim janë gjetur. Nëse ky rast nuk hetohet nga Prokuroria Speciale, atëherë drejtësia po dështën para syve tanë! Kërkojmë hetim të plotë dhe të paanshëm”, ka deklaruar Deliu.