Abdixhiku: Vjosën e shohim si presidente e jo si kuorum

Kryetari i Lidhjes Demokratike të Kosovës, Lumir Abdixhiku, ka deklaruar se Vetëvendosje e ka parë kandidaten e LDK-së, Vjosa Osmanin, vetëm si kuorum dhe jo si presidente të vendit, duke komentuar zhvillimet pas dështimit të zgjedhjes së presidentit dhe kalimit në proces zgjedhor.

“Na janë kërkuar nënshkrimet janë ofruar ato nënshkrime por në thelb të problemit është parë që ky emër pra i Vjosa Osmanit është synuar më shumë si një korum për një president që ata e quanin karate. Ne Vjosën nuk e shohim si kuorum për presidenten e tyre që tahsmë i kishte votat e tyre, e shohim më shumë se kaq. E shohim si presidente të denjë të Republikë ssë Kosovës por këto vota nuk u dhanë nga Lëvizja Vetëvendosje. Vjosën nuk e deshën, nuk e votuan, besoj që populli do të ketë mendim ndryshe. LDK do të vijë me një listë të shkëlqyeshme” tha ai.

Abdixhiku mes tjerash tha se partia duhet të hyjë në një proces bashkimi dhe riorganizimi politik brenda saj, duke kritikuar edhe mënyrën e funksionimit të pushtetit aktual.

“Tash jemi në fazë të zgjedhjeve. LDK-së dhe mua na takon të bëjmë bashkimin e madh të së djathtës brenda LDK-së, dhe në këtë bashkim të madh të afrojmë të gjithë njerëzit e mirë që e ndërprejnë marrëzinë institucionale të kësaj partie, të një individi, që është i pangopur me pushtet dhe është i paaftë të bëjë minimalisht diskutim me palët tjera”.

Abdixhiku: Po shkojmë në zgjedhje sepse pushteti kërkoi nënshtrim

Kryetari i Lidhjes Demokratike të Kosovës, Lumir Abdixhiku, ka deklaruar se vendi po shkon në zgjedhje pasi, sipas tij, pushteti ka kërkuar nënshtrim politik.

“Po shkojmë në zgjedhje sepse pushteti me 51% kërkoi nënshtrim. Ne zgjodhëm Republikën. Kërkuan konsensus. Ua dhamë. U takuam. Kërkuan emra. Thamë Vjosën. E injoruan. Kërkuan nënshkrime. Ua dhamë, 15 sosh, sa i kishim. Në fund, kërkuan gjënë e vetme që dinin, nënshtrimin. Këtë s’mund ta kishin”, ka thënë Abdixhiku, raporton rtk.

Ai shtoi se presidentja e deritanishme Vjosa Osmani është parë ndryshe nga LDK-ja dhe nga pushteti.

“Vjosën, Presidenten e deritashme, e panë vetëm si kuorum, si numër plotësues për Presidenten e tyre ‘karate’. Ne e pamë ndryshe. E pamë siç duhet të ishte edhe me votat e tyre, një Presidente përfaqësuese dinjitoze e Republikës”, ka deklaruar ai.

Abdixhiku tha se dallimi mes LDK-së dhe pushtetit do të vuloset nga qytetarët në zgjedhje, duke shtuar se është koha për bashkim të qytetarëve për një Kosovë normale dhe me dinjitet.

“Tani është koha për bashkimin e njerëzve të mirë të këtij vendi, që duan një Kosovë normale, pa dramë, pa propagandë, me dinjitet brenda Lidhjes Demokratike. Do ta kemi!”, ka shkruar kreu i LDK-së.