Xi: Bota duhet të zgjedhë midis paqes dhe luftës

Bota përballet me një zgjedhje midis paqes dhe luftës, deklaroi presidenti kinez Xi Jinping në fjalimin e tij hapës në paradën ushtarake që shënonte 80-vjetorin e fitores në Luftën e Dytë Botërore.

“Kina përfaqëson një forcë për paqe dhe zhvillim. Asnjë ‘ngacmues’ nuk mund të na frikësojë”, shtoi ai.

Presidenti kinez mirëpriti presidentin rus Vladimir Putin dhe udhëheqësin e Koresë së Veriut Kim Jong-un para paradës ushtarake në Sheshin Tiananmen.

Të tre patën një bisedë të shkurtër ndërsa iu afruan vendit të ceremonisë, duke ecur në qilimin e kuq dhe duke u drejtuar drejt ndërtesës së portës së Qytetit të Ndaluar.

“Pyetja më e rëndësishme për t’u përgjigjur është nëse presidenti kinez Xi Jinping do të përmendë apo jo sasinë e madhe të mbështetjes dhe gjakut që Shtetet e Bashkuara i kanë dhënë Kinës për ta ndihmuar atë të çlirohet nga një pushtues i huaj shumë armiqësor. Ju lutem shprehni përshëndetjet e mia më të ngrohta Vladimir Putin dhe Kim Jong-un ndërsa komplotoni kundër Shteteve të Bashkuara, shkroi Donald Trump në llogarinë e tij në mediat sociale, duke i uruar presidentit Xi Jinping dhe popullit të mrekullueshëm kinez një ditë të madhe dhe të qëndrueshme feste. /atsh/