Hojlund i Man United-it: Nuk i fiksohemi Arsenalit

Sulmuesi i Manchester United, Rasmus Hojlund, këmbëngul se skuadra e tij nuk i frikësohet Arsenalit.

‘Djajtë e Kuq’ dhe ‘Topçinjtë’ do të përballen të dielën në stadiumin ‘Emirates’, në kuadër të raundit të tretë të FA Cup.

“Është një kundërshtar i vështirë, por ne do të shkojmë për të fituar,” ka thënë Hojlund.

“Është një lojë e rëndësishme dhe ‘Emirates’ është një stadium i bukur. Fusha është shumë e mirë. Aty kam bërë debutimin tim, prandaj është një vend i veçantë për mua dhe një kundërshtar i mirë. Mezi po e pres,” ka pohuar ai.

“Nëse luajmë siç duhet, mund të dalim mirë nga kjo ndeshje. Mendoj se duhet të jemi të mprehtë si grup. Ata kanë treguar cilësi të lartë këtë sezon.”

“Ne duhet të jemi të fokusuar. Duhet të përpiqemi dhe të vazhdojmë të përmirësohemi. Duhet të zbatojmë atë që kërkon menaxheri dhe mendoj se do të bëjmë një paraqitje të mirë,” ka përfunduar Hojlund.