Moti sot me diell dhe vranësira

Sipas njoftimit të Instituti Hidrometeorologjik i Kosovës, gjatë ditës së nesërme mbi vendin tonë do të mbajë mot me diell dhe vranësira të shpërndara.

Gjatë pjesës së dytë të ditës, vranësirat pritet të dendësohen, duke krijuar kushte për reshje lokale shiu, të cilat në disa zona mund të shoqërohen me shkarkesa elektrike. Në zona të izoluara ekziston mundësia edhe për reshje të breshërit.

Temperaturat minimale do të lëvizin ndërmjet 13 dhe 17 gradë Celsius, ndërsa ato maksimale pritet të arrijnë nga 26 deri në 29 gradë Celsius.

Era do të fryjë kryesisht nga drejtimi i verilindjes me shpejtësi prej 1 deri në 11 metra në sekondë.