Nafta sot dy centë më lirë

Çmimi i naftës në Kosovë është ulur për dy centë krahasuar me ditën e djeshme.

Sipas Ministria e Industrisë, Ndërmarrësisë dhe Tregtisë, një litër naftë do të shitet për 1.72 euro, që është 2 centë më lirë se një ditë më parë. Ndërkohë, çmimi i benzinës mbetet në 1.41 euro për litër, ndërsa gazi në 0.88 euro për litër, raporton rtk.

Këto çmime hyjnë në fuqi nga ora 10:00 dhe do të mbeten të njëjta edhe gjatë ditës së hënë.

Megjithëse ulja është simbolike, ajo përbën një lehtësim të vogël për qytetarët dhe bizneset.

Tregu i derivateve në vend mbetet i ndjeshëm ndaj zhvillimeve ndërkombëtare, prandaj ndryshime të reja nuk përjashtohen në ditët në vijim.