5-vjeçari nga Lipjani që dyshohet se u keqtrajtua nga prindërit i nënshtrohet operimit në shputa, gjendja stabile

Përmes këtij njoftimi, ata kanë thënë se intervenimi sapo ka përfunduar dhe është realizuar sipas indikacioneve mjekësore.

“Gjatë procedurës kirurgjikale, gjendja e pacientit ka qenë stabile. Pas përfundimit të intervenimit, pacienti është transferuar në Kujdesin Intensiv Pediatrik, ku po vazhdon trajtimin, mbikëqyrjen dhe përkujdesjen e mëtejme postoperatore”, ka njoftuar Klinika e Pediatrisë.

Autoritetet shëndetësore bëjnë të ditur se, për shkak të ndjeshmërisë së rastit, aktualisht nuk mund të ofrohen më shumë detaje. Çdo informacion i mëtejmë për gjendjen e pacientit do të bëhet publik vetëm përmes Zyrës për Informim pranë SHSKUK-së.