Roberto Martinez drejt largimit nga Portugalia pas Botërorit 2026

E ardhmja e Roberto Martinez në krye të Portugalisë pritet të marrë një kthesë të rëndësishme, pasi trajneri nuk do të rinovojë kontratën e tij aktuale, e cila skadon në korrik.

Sipas “talkSPORT”, Martinez ka vendosur të largohet nga drejtimi i kombëtares së Portugalia pas përfundimit të Kupës së Botës, pavarësisht rezultatit të skuadrës në turne.

Trajneri spanjoll mori drejtimin e Portugalisë në vitin 2023 dhe arriti një sukses të rëndësishëm duke e udhëhequr ekipin drejt triumfit në Liga e Kombeve 2025, duke forcuar pritshmëritë rreth projektit të tij.

Megjithatë, ai tani pritet t’i japë fund këtij cikli, me Kupën e Botës që do të jetë turneu i fundit i tij në krye të ekipit kombëtar, ku synon të mbyllë periudhën e tij me një tjetër sukses të madh për futbollin portugez.