Orban sulmon BE-në në Romë: Nuk ka rëndësi për asgjë

Deklaratat e Kryeministrit Hungarez, Viktor Orban, në prag dhe gjatë vizitës së tij në Romë, kanë shkaktuar reagime të forta politike. Në një intervistë dhënë mediave italiane, Orban deklaroi se “Bashkimi Evropian nuk ka asnjë vlerë” dhe se “Evropa është plotësisht jashtë loje” në zgjidhjen e konfliktit në Ukrainë.

Orban shtoi se Donald Trump “gabonte për Putinin” dhe se ai vetë do të takohej me Presidentin amerikan për të negociuar heqjen e sanksioneve ndaj naftës ruse.

Kryeministri hungarez u takua me homologen e tij italiane, Giorgia Meloni, në Palazzo Chigi për rreth një orë. Sipas një deklarate zyrtare, biseda u fokusua në perspektivat dypalëshe dhe çështjet kryesore ndërkombëtare, duke përfshirë:

Situatën në Ukrainë dhe zhvillimet në Lindjen e Mesme.

Migracionin, me theks në menaxhimin efektiv dhe inovativ të flukseve.

Mundësitë e bashkëpunimit dypalësh në kuadër të instrumentit Evropian të Sigurisë.

Reagimi i qeverisë italiane: “Ide të ndryshme”

Zëvendëskryeministri dhe Ministri i Jashtëm italian, Antonio Tajani, u shpreh menjëherë pas takimit duke distancuar qeverinë e tij nga qëndrimet e Orban.

“Unë kam një pikëpamje të ndryshme nga Orbani,” deklaroi Tajani, duke theksuar se një takim nuk do të thotë se Meloni ka të njëjtin qëndrim, sidomos në lidhje me Rusinë. Ai mbrojti Melonin, duke thënë se ajo ka “idete e veta” dhe nuk vepron nën diktatin e të tjerëve. /rtsh/