
Kurti pas takimit me Serwerin: Gjithmonë sfidë koha, nuk mjafton për të gjitha këshillat e vlefshme të profesorit
Kryeministri Albin Kurti është takuar me profesorin dhe ish-diplomatin amerikan, Daniel Serwer.
Takimi, që zuri vend në Kryeministri, u shoqërua me opinione dhe këshilla të Serwerit, që Kurti thotë se i vlerëson.
“Dje u takuam për herë të parë pas aktgjykimit të 16 shtatorit të Dhomave të Specializuara në Hagë dhe zgjedhjeve të mbajtura në Serbi dhe në ShBA. Biseduam për këto ngjarje, si dhe për zhvillime të tjera të rëndësishme brenda dhe jashtë vendit” shkroi Kurti.
Përherë kënaqësi të takohem me profesorin dhe ish-diplomatin e lartë të ShBA-ve, Daniel Serwer. Çdo herë që vjen në Kosovë më nderon me vizitë në Zyrën e Kryeministrit, por gjithmonë e kemi sfidë kohën, që s’mjafton për të gjitha këshillat dhe mendimet e vlefshme të profesorit Serwer.
Dje u takuam për herë të parë pas aktgjykimit të 16 shtatorit të Dhomave të Specializuara në Hagë dhe zgjedhjeve të mbajtura në Serbi dhe në ShBA. Biseduam për këto ngjarje, si dhe për zhvillime të tjera të rëndësishme brenda dhe jashtë vendit.
Si çdo herë, profesorin Serwer e falënderova për kontributin e tij të vazhdueshëm për shtetin dhe popullin e Kosovës.

