I dërguari i SHBA-së për Ukrainën, Keith Kellogg, jep dorëheqjen pas publikimit të planit të paqes në SHBA

Gjenerallejtënant Keith Kellogg, i dërguari i posaçëm i presidentit amerikan Donald Trump për Ukrainën, pritet të largohet nga detyra në janar, duke i dhënë një goditje të fortë përpjekjeve diplomatike të Kievit për të siguruar një paqe të favorshme.

Lajmi për dorëheqjen e tij erdhi vetëm disa orë pasi u publikua një draft-marrëveshje mes SHBA-së dhe Rusisë, e cila parashikon që Ukraina të dorëzojë rajonin e Donbasit dhe të përgjysmojë ushtrinë e saj, duke ngjallur frikën se Kievi po përjashtohet nga bisedimet për të ardhmen e tij.

Kellogg, 81 vjeç, ka qenë një mbrojtës i fortë i Ukrainës brenda administratës Trump, shpesh në kundërshtim me negociatorin kryesor Steve Witkoff, i cili ka mbështetur një shkëmbim të pabarabartë territorial.

Ai ka luajtur rol kyç në lirimin e pengjeve të mbajtura nga udhëheqësi bjellorus Aleksandër Lukashenko dhe ka gëzuar respekt të madh nga presidenti Volodymyr Zelensky. Megjithatë, kohët e fundit është bërë më pak i pranishëm në takimet vendimmarrëse dhe nuk mori pjesë në samitin e paqes në Alaska.

Largimi i tij do të vijë si një lajm i padëshiruar për Volodymyr Zelenskyn, presidentin ukrainas, i cili po ushtrohet presion për t’i dhënë territor Rusisë.

Lajmi për dorëheqjen e tij erdhi vetëm disa orë pasi një draft-marrëveshje e pafavorshme për t’i dhënë fund luftës u publikua në media.

Sipas propozimit të SHBA-së, Ukraina do të detyrohej të hiqte dorë nga i gjithë territori i saj në rajonin lindor të Donbasit dhe të përgjysmonte madhësinë e ushtrisë së saj.

Plani me 28 pika u përpunua midis SHBA-së dhe Rusisë në një sërë bisedimesh të fshehta së fundmi, duke ngjallur frikën se Ukraina po përjashtohet nga diskutimet rreth të ardhmes së saj.

Gazeta Telegraph kupton se projekt-propozimi mund ta shohë Ukrainën të heqë dorë nga territori, por të ruajë pronësinë ligjore në një marrëveshje me tokën në këmbim të parave të gatshme.

Rusia do të paguante një tarifë qiraje të pazbuluar për kontrollin de facto të rajonit.

Ende nuk është e qartë kush do ta zëvendësojë atë, ndërkohë që SHBA nuk ka emëruar një ambasador të konfirmuar nga Senati në Ukrainë. /rtsh/